السبت، 18 أبريل 2009

القبعة



كان حاويًا لا غُبار!

في المرة الأولى غطى قبعته بمنديل وتمتم تمتمات فأخرج منها عصفورًا مذعورًا طار في تخبط، وقد صفقت بحماس لكن أخي قال في ترفع: "نصّاب!"

في المرة الثانية شعوذ شعوذاته على القبعة فأخرج أرنبًا خاوي النظرات رقبنا في ذهول ثم قفز مبتعدًا، وقد احمرّت يديّ تصفيقًا لكن أخي قال منفعلاً: "مشعوذ محتال!"

ثم هب واقفًا وقال:
"أنت تخفي هذه الحيوانات صغيرة الحجم في المنديل الذي تغطي به القبعة، لا أكثر"

قال له الساحر:
"اختر أي حيوان بالكون أخرجه لك الآن حالاً من القبعة"

قال أخي في تحدٍ:
"عنزة!"

نشر الساحر منديله على القبعة، ردد ألغازه ثم أزاح المنديل ونظر إلى داخل القبعة، ارتسمت الصدمة في عينه، أعاد تغطية القبعة في سرعة وهو يردد:
"عذرًا عذرًا لقد حدث خطأ إذ أستحضر العنزة.. تكوّن لدي مسخ نصفه الأعلى عنزة ولكن له ساقي رجل!"

صاح الجمهور:
"أرنا إياه! أرنا إياه!"

انسحب الساحر عن المسرح معتذرًا:
"لا أستطيع، ليس مسموح لي"

خرجتُ وأخي إلى خارج المسرح، كان فرِحًا بانتصاره:
"أرأيت! ألم أقل لك أنه نصّاب؟"
"نعم، لقد سحقته بتحديك و...."

وقعت عيناي على ساقي أخي:
"ولكن من أين حصلت على ساقي العنزة هاتين؟"

هناك 32 تعليقًا:

  1. :]:]
    حلوة أويي...
    و يا ريت كمان لو تنزلوا كل قصص القبعة بتاعة المسابقة
    PLeAsE (",)

    ردحذف
  2. دي فكرة حلوة يا جميل
    انا هستأذنهم في الجروب وياريت يوافقوا

    وعلى كدا بقى انتي بتدخلي الجروب من ورايا؟
    طيب اسمك ايه هناك؟

    ومتشكرة اوي اوي على متابعتك
    تسلمي يارب

    ردحذف
  3. القصة دى بجد كانت اكتر قصة عجبانى فى المسابقة

    بس انتى كنتى مخرجاها برة المنافسة

    بس بجد كان فيها فكرة حلوة اووووووى

    ردحذف
  4. نهاد الجميلة
    مبسوطة اوي انها عجبتك وقصتك كمان كانت حلوة اوي ومرعبة ؛)
    وان شاء الله المسابقات الجاية ناخد انا وانتي المركز الاول مناصفة :))) ولو حد عايز يشاركنا انا معنديش مانع
    وميرسي
    اوي اوي يا قمر على اضافة بلوجي عندك
    تسلميلي

    ردحذف
  5. يا سالي ده جروبك تحفة ، ازاي مدخلش عليه :D :D
    بجد ما شاء الله عليكي قدرتي تجمعي مجموعة من محبي الرعب في فترة قليلة جداااً :)
    ان شاء الله الجروب هيفضل يكبر و يبقى أكبر و أحلى جروب عل Facebook :) :)

    اه نسيت ... اسمي رنا :)

    ردحذف
  6. هو انت يا جميل :)
    فرحتيني اوي يا حبيبتي ربنا يخليكي ليا يارب
    ولازم يكون الجروب حلو طالما الناس اللي فيه روحها حلوة زيك كدا

    :)

    ردحذف
  7. غير معرف24/4/09 14:03

    جميلة قوى يا سالى....أنا عرفت المدونة لما شفت الفائزين فى مسابقة مزيكا تو داى ...بجد عجبنى شغلك قوى ....أنا اسمى أحمد و على فكرة شغلك شجعنى انى أشارك و كسبت الحمد لله

    ردحذف
  8. الف مبروك يا احمد
    دا خبر حلو جدا
    وان شاء الله ربنا يكرمك دايما
    قصتك الفايزة اسمها ايه بقى
    ياريت تديني اللينك

    ردحذف
  9. غير معرف29/4/09 13:40

    فكرتها قديمة وردة فعل البنت كوكيدية.. قصة ضعيفة للغاية

    ردحذف
  10. http://forums.mazika2day.com/t51760.html
    دى القصة يا سالى و أتمنى تقوليلى رأيك و مش بعيد نتقابل فى الانترفيو أو ربنا يكرمنى و أنضم لأسرة التحرير زى ماأنا متأكد انك هتنضمى لأن بجد أسلوبك حلو قوى و أفكارك فعلا متغيرة.......أتمنى لك التوفيق و خاصة انى عرفت من الجروب أنك هتطبعى أول كتاب ليكى....مش عارف فى فى دماغى اقتراح اننا نعمل عمل مشترك على غرار اللى عمله احمد خالد توفيق و أحمد سليمان عبد الملك الذى لم يكتمل.....واحد يكتب فصل و الثانى يكمل و هكذا نشوف القصة هتاخدنا لفين؟؟.....أنا مش جربت أكتب رعب قبل كده بس أعتقد مع كاتبة زيك أنا هأتعب كتير.....يا رب توافقى و دعواتك ليا عشان الامتحانات على الأبواب....سلام

    ردحذف
  11. انا متشكرة جدا يا احمد على التشجيع والكلام الحلو دا
    ربنا يسمع منك وانضم انا وانت لأسرة التحرير

    قصتك انا قريتها قبل كدا بس مكنتش اعرف انها ليك.. عجبني فيها اليقين في الاخر وهو "الصلاة/الإيمان" كمخلص من حيرة ودوامات الدنيا

    ياريت تشاركنا في الجروب وتشجعنا ونشجعك على الكتابة وربنا يكرم يارب
    _

    التعليق السابق:
    شكرًا جزيلاً
    أقدر هذا
    المشكلة بس اني مش عارفة انهي بنت اللي رد فعلها كوميدي لان القصة مفيهاش بنات خالص
    وعلى فكرة انا عرفت دلوقتي مين صاحب التعليقين وبكرر شكري للاهتمام والمتابعة يا أحمد

    ردحذف
  12. غير معرف30/4/09 11:45

    لمقصود البنت او الولد اللي كان بيسقف للحاوي المزيف

    ردحذف
  13. غير معرف30/4/09 12:03

    بالمناسبة أنا فعلا اسمي أحمد.. لكن ازاي عرفتي حضرتك ؟ وايه هم التعليقين ؟

    ردحذف
  14. هو انا قصدت انه طفل صغير وعشان كدا كان منبهر بالساحر.. لكن فعلا موضحتش كفاية.. على أي حال ممكن القصص الجاية تعجبك إن شاء الله

    وأعتقد لو إنت (أحمد م. هـ.) يبقى انا عرفتك من أسلوبك.. ومش عارفة ليه الناس كلها بتحب تلعب معايا الكلمات المتقاطعة..

    يعني عادي يا جماعة اعترفوا بأسماءكو :)

    ردحذف
  15. غير معرف5/5/09 12:09

    أهلا سالي
    انا افتكرت الاخ الاصغر بنت ومعرفش ليه كدا بصراحة عموما مش دا مربط الفرس .
    فكرة الطائية بتاعت الحاوي فكرة كويسة ، لكن فكرة رجلين المعزة دي مستهلكة اوي . وياما عيطنا من الرعب منها واحنا صغار
    وبالمناسبة انا مش احمد.م.ه اللي حضرتك عرفتيني من أسلوبه ! على رأي الشاعر (ماذا يهمك من أنا) ؟
    بالمناسبة في ندوة لدكتور أحمد خالد النهاردة في مكتبة بدرخان .

    ردحذف
  16. حكاية رجلين المعزة دي موروث شعبي.. وبرغم كدا غير مستغل في قصص الرعب العربية اللي اصلا عددها قليل جدا
    وعشان كدا مش شايفة اي حرج في اني استخدمها، بالعكس انا اعتبرها حاجة ايجابية للقصة

    وحتى لو انها استخدمت قبل كدا لدرجة الابتذال، دا حتى لو يعني، برضه ممكن اعادة استخدامها من منظور جديد.. زي بالظبط الاف الافلام والقصص عن مصاصين الدماء والمذءوبين والبيوت المسكونة، ولسه بيتكتب عنهم

    ونورت البلوج ياللي مش أحمد م. هـ. :)

    ردحذف
  17. غير معرف6/5/09 14:36

    رأيي ، إن توظيف الموروث الشعبي ممكن ييجي بطريقة أحسن من كدا ، إيه الجديد اللي كتبتيه وبصمتك فين في عملية اعادة انتاج الموروث الشعبي ؟ مهو الموروث الشعبي نفسه قال لينا القصة ومعرفش مين كان راكب حنطور وسايس الحنطور قال له رجلين معزة زي دي ؟
    هل الجديد ان الأخ هو اللي لاحظ وجود رجلين معزة عند أخوه وإن الاخ الأكبر مش هو اللي سأله السؤال التقليدي (زي دي؟)
    استلهام الماورائيات والموروث الشعبي ممكن يكون أعلى من كدا، وخدي عندك مثال رواية عاشق الحي ليوسف أبورية واستلهام الموروث الشعبي عن تشكل الجان في شكل القطة السوداء.
    طبعا صعب الواحد يقارن التورتة بالجاتو لأن دا قالب ودا قالب ، لكن الواقع انهم صنعة واحدة لنفس الصانع (الحلواني) والمتمعن يقدر يحكم لو خد قطمة من دي وقطمة من نادي هيعرف ايهما اشهى وافضل.

    ملحوظة أخيرة : لو حبيت انشر قصة في جروب المرعبين، ممكن آخد اللينك بتاعه ؟ وهل في شروط للنشر ؟



    جعران

    ردحذف
  18. الحقيقة ان الفكرة بالكامل جديدة: إن ساحر يحضر حيوان ما ويفشل في دا ويبان تأثيره على شخص من الجمهور
    ورجلين المعزة هنا ملهاش علاقة بالشيطان وحكاية "زي دي" اللي انت اشرت ليها
    والساحر مش مزيف زي مانت قلت لان في نهاية القصة بيتضح انه ساحر حقيقي
    والبنت مش بنت زي مانت قلت ومفيش اي اشارة انها بنت

    وواضح انك استعجلت في قراءة القصة

    وحكاية "احسن من كدا"، "اعلى من كدا"، كويسة جدا بس لو افهم ايه "كدا" دي... يعني ايه وجه القصور

    وعلى اي حال شكرا لك واقدر ردك

    والجروب
    http://www.facebook.com/group.php?gid=55596174094

    وممكن ببساطة تفتح توبيك وتنشر قصصك من غير شروط

    ردحذف
  19. غير معرف7/5/09 13:29

    أقول لحضرتك كدا دي معناها إيه : قصة رجلين المعزة بتعتمد في كل الأقاصيص والروايات المختلفة اللي وصلت لنا على فكرة المباغتة : زي دي ؟ وحضرتك برضه قدمتيها بنفس التكنيك ، زي بالضبط واحد بيقول انا اسمي جعران ، والتاني بيقول جعران اسمي انا ، الاتنين واحد و التجديد شبه معدوم.
    أما حكاية الشيطان فأنا مش عارف عن أي شيطان بتتكلمي ؟؟

    وبالنسبة للولد (أللي كان مصدق الساحر الحقيقي عشان متزعليش) اللي انا قلت عليه بنت فدا مبيصبش في جوهر الموضوع اللي بتكلم فيه ولا هو ولا حكاية الشيطان اللي ضربت به مثل في رواية يوسف أبو رية ، بالمناسبة انتي قريتيها ؟




    جعران

    ردحذف
  20. غير معرف13/5/09 15:55

    اوعي تكوني زعلتي من مناقشتنا يا سالي انا مقصدش ازعلك والله
    عموما سوف أرسل لكي قصة رعب قريبا وسوف انتظر رأيك فيها





    جعران

    ردحذف
  21. غير معرف4/7/09 03:33

    asra7a ana kol shwaya ba2o3gab b ktbtk aktar we bkssk l2nk f3ln bt3rfy t5ly al wa7ed ezzay ykoon mofag3 lmma y2ra al nhaya we kman s3b ymnha we bardo WONDERFUL :D


    Ahmad Eyada

    ردحذف
  22. انا سعيدة جدا برأيك يا احمد والله
    وفعلا انا بهتم بالمفاجأة في النهاية
    وسعيدة انك لاحظت دا

    ياريت لو بتكتب تحط لينك او حاجة اقراهالك

    ردحذف
  23. هى فعلا قصة حلوة
    بس قصيرة اوى
    يعنى القارئ ميلحقش يعيش فى جو القصة او يجسدها فى عقلة وهو بيقراها

    ردحذف
  24. شكرا يا مروة هي فعلا قصيرة جدا لانها اتكتب عشان مسابقة محددة عدد سطور معين لكن ان شاء الله ممكن اشتغل عليها تاني ويكون في مساحة اكتر للشغل

    شكرا على المرور يا جميل نورتيني

    ردحذف
  25. لا حول ولا قوة الا بالله و أخوك عمل ايه بعد كده
    هاهاهاها

    ردحذف
  26. توته نجيب2/1/11 18:30

    لا حلوه بجد وملعوبه يا سالى
    مشاء الله عليكى
    دومتى مبدعه

    ردحذف
  27. مش عارفة لية فكرتني بفيلم جاءنا البيان التالي بتاع محمد هنيدي ههههههههههههههههههههههههه حلوة النهاي قوي

    ردحذف
    الردود
    1. اكيد فكرتك بـ "رجل المعزة -- زي دي!!!" هاهاها

      حذف

إذًا، ماذا ترى؟
أسرِع، لا يمكنني الانتظار

Related Posts Plugin for WordPress, Blogger...